اصعب سؤال فى الحب

بسم الله الرحمن الرحيم

السؤال ده بيحصل كل يوم فى كل بيت وكل مكان...
سؤال الافلام جاوبت عليه بطريقتها...لكن لو جالك السؤال ده فى الواقع...يا ترى هتعملى ايه.

لو لقيتى الانسان اللى بتحلمى بيه وتتمنيه من وانتى صغيرة
الانسان اللى يحرك احاسيسك ومشاعرك وكل شى جميل جواكى
الانسان اللى تشوفى فيه طفولتك وشبابك ومستقبلك وكل ايامك
الانسان اللى يحبك انتى بس ويحترمك ويقدر مشاعرك وكل زرة حب جواكى

ويكون الانسان ده كمان هو فى نفس الوقت..انتى بالنسبة له كل حاجة..وانك الانسانة اللى حلم بيها واتمناها من طفولته
وقال ليكى من قلبه ومن صدق...انا بحبك...بحبك انتى بس ومش عايز من الدنيا اى حاجة الا انتى بس
انتى دنيتى اللى هعيش فيها..وليها..حبيبتى انا ليكى...ومش عايز اكتر من انك تقولى من قلبك انك ليا

واتعاهدتم طبعا على الحب فى الحياة وما بعد الحياة...وان مش هيفرقكم شى فى يوم الا الموت
وبعد كده جه الانسان ده عشان يتقدم ليكى عشان تكتمل الفرحة..والحياة اللى مش هتبقى حياة الا وانتم الاتنين مع بعض
ولانه ما يقدر يعيش لحظة واحدة وانتى مش معاه ....
لكن.....
الاهل رفضوه لاسباب تافهة...مثلا (الانسان احنا مش شايفينه لايق ليكى...دة مش من مستوانا...بكرة يجيلك احسن منه...دة قدامه كتير عشان يوصل للمستوى اللى نتمناه فى عريسك احنا غرضنا مصلحتك)

وطبعا الانسان دة لانه بيحبك اتقدم اكتر من مرة...وجه على كرامته فى حجات كتير عشان خاطرك
لكن للاسف...كل محاولاته فشلت...الاهل مصممين على رايهم..اعتقادا منهم انه فى مصلحة البنت

لغاية ما قال ليكى فى يوم...حبيبتى...انا اتمنيتك انتى من الدنيا كلها...
وضحيت بحجات كتيرة وده لانى حبيتك انتى بس ومن قلبى .....واختارتك انتى عن الدنيا كلها
ودلوقتى جه وقت اختيارك...اما انا......او اهلك!!!

مش هقول ايه هو الرد الصحيح
بس هقول ايه هى الاجابة المنطقية يا ترى

يا ترى اى بنت فى الموقف دى هتقول ايه؟؟؟
ويا ترى راى الشباب فى الموضوع ده ايه برضه

موضوع جميل اوى وسؤال محير بس انا شايف ان لو فيه
بنت وقعت فى موقف شكل ده تحاول مع اهلها وتقولهم انها مش
هتتجوز حد غير الانسان ده حتى لو عملوا ايه وتحسسهم بجد
انها فعهلا مش عاوزه غيره من الدنيا دى اظن الاهل لما هيلاقوها
مصصمه ومش راضيه تقبل اى عريس من اللى اتقدمولها غير
ده اكيد مش هيقفوا فى طريق سعادة بنتهم وبشكرك يا برنس
على التوبيك الجميل ده
تقبل تحياتى

مشكوراااااااااااا

يا عبودى

اولا\ القدر نعيش فيه
والنصيب بامر الله لو ده النا صيب
ولو اجتمع اهل الارض على ان يضرك بشىء
ولو اجتمع على ان ينفعك بشىء لم ينفعك
الا بشىء قد كتبه الله لك
بس غالبن لمه الرجل بتنازل عن مبداء علشان حبيبه
يزيد الكبرياء عند المراء والتكبر
وللاسف لاامان للحب ولا امان للنساء
تحياتى لاامان
تقبل مرورى

» الانسان قبل الحب ؟ عند الحب ؟ بعد الحب؟
» (قمة الحب),,,,,,,
» اية اصعب حاجة مرت عليك
» الحب مش سهل
» اصعب قرار...(لو خيروك بين بنت عمك وممن تحب )هتختار اية..؟؟